كود سبور//

ربحو الرجاء الرياضي القضية ديالهم ضد اللاعب المصري عمرو وردة، اللي كان فسخ العقد ديالو مع الفريق من طرف واحد بعد ايام قليلة على التوقيع.

ونجح الفريق القانوني المصري اللي كلفوه الرجاء الرياضي بالدفاع على مصالح النادي فقضية اللاعب المصري عمرو ورد، وخدا قرار نهائي من غرفة النزاعات ديال الاتحاد الدولي لكرة القدم لمصلحة الرجا ضد وردة، وبفرض غرامة على اللاعب.

وكان اللاعب المصري عمرو وردة خلق جدل كبير فالصيف الماضي ملي سنا مع الرجاء الرياضي وخدا منحة التوقيع وامتيازات اخرى ومن وراها بأيام بدا كايدير تصرفات ماشي طبيعية بحال نشر صور على مواقع التوصل كايدعي انه مريض ومن وراها مشى بحالو.