كود سبور- وجدة//

ربح الرجاء الرياضي اللقب 13 فالتاريخ ديالو فالبطولة الاحترافية لكرة القدم، بعدما توج اليوم الجمعة بطلا للمغرب للموسم الرياضي 2023-2024.

وحسمو الرجا لقب البطولة الاحترافية، بعدما ربحو اليوم الجمعة فريق مولودية وجدة فالتيران الشرفي فوجدة بنتيجة 3 لزيرو، ماركاهم كل من عبد الله خفيف، ويسري بوزوق اللي ضرب جوج بيلانتيات.

وبهذا الرباح توج الرجاء الرياضي بطلا للمغرب، برصيد 72 نقطة وما خسر حتى ماتش حتى لدابا وهو الفريق الوحيد فالعالم اللي محقق هذا الإنجاز، وتفوق على الجيش الملكي اللي سالا المنافسة فالمركز الثاني برصيد 71 نقطة.

وبالنسبة للفريق الثاني اللي غايهبط مع يوسفية برشيد للدوزيام ديفيسيون، فهو مولودية وجدة، بعدما تفوق عليهم شباب المحمدية بالنسبة الخاصة.