كود سبور//

دارو الرجاء الرياضي، ريزيرف خلال الماتش على لاعبين اتحاد طنجة اللي كاليفاتهم العصبة الوطنية لكرة القدم مؤخرا، وهذا الشي خلال ماتش الفريقين اللي تلعب اليوم الخميس، والمؤجل عن الجولة 17 من البطولة الاحترافية.

ودار عبد الله خفيفي كابيتان الرجاء الرياضي ريزيرف خلال المباراة، على مشاركة اللاعبين الجداد لاتحاد طنجة وهم أمين الوعد، والنعمة البلالي، وبلال الودغيري ومحسن متولي.

وكايعتارضو الرجاء الرياضي على أحقية مشاركة هاد اللاعبين ديال اتحاد طنجة، بداعي أن الماتش مؤجل عن الجولة 17 من البطولة، وملي تلعبت الجولة 17 كانت العصبة الوطنية لكرة القدم مازال ما أهلتش هاد اللاعبين لاتحاد طنجة، والغرض ديال الرجاويين من هذا الريزيرف هو يربحو بالستيليو بعدما تعادلو بالرجلين.