كود سبور//
باغيين الرجاء الرياضي يستقبلو الوداد الرياضي فالديربي بين الفريقين برسم الدورة 29 من البطولة الاحترافية لكرة القدم، فتيران برشيد بحضور جمهور الرجا بوحدو.
وراسلو الرجاء الرياضي السلطات ديال برشيد، لطلب ترخيص استقبال الفريق للوداد الرياضي يوم 2 يونيو الجاي بحضور جمهور الفريق الاخضر بوحدو، والاستفادة من الطاقة الاستيعابية ديال تيران برشيد اللي هي 3000 كرسي، على اعتبار الرجاء هو الفريق المستقبل.
واستقبلو الرجاء الرياضي عدد من الماتشات هذا الموسم فتيران برشيد بحضور الجمهور ديالهم فقط، ومنعت السلطات حضور الجمهور الزائر، وآخر هاد الماتشات هي المباراة اللي لعبو البارح ضد نهضة بركان واللي كان حاضر فيها جمهور الرجا بوحدو.
للإشارة فماتش الديربي بين الرجاء والوداد فالألي من البطولة الاحترافية هذا الموسم استقبلوه الوداد فتيران البشير فالمحمدية وتلعب بلا جمهور.
