گود سبور//

كايحاولو الرجاء الرياضي يحسمو الصفقة ديال معاذ الضحاك لاعب اتحاد التواركة وكابيتان المنتخب الوطني المغربي لأقل من 20 عام.

وحسب مصادر مطلعة، فالرجاء الرياضي برئاسة جواد الزيات كايتفاوضو مع اتحاد التواركة باش ياخدو من عندهم معاذ الضحاك، والمفاوضات واصلة لمراحل متقدمة بين الطرفين ولو أن الرباطيين متشبثين بعقدهم مع اللاعب.

نفس المصادر، كشفت أن الرجاء الرياضي إلى ما قدروش يشريو العقد ديال معاد الضحاك دابا من اتحاد التوارگة، فهما غايحاولو يقنعو إدارة الفريق الرباط بإعارة اللاعب لهم خلال الموسم الجاي مع إمكانية شراء العقد بصفة نهائية.