كود سبور//

احتج الرجاوي هلال الطير مدرب اتحاد طنجة على ضربة الجزاء اللي علنتها الحكمة بشرى كربوبي لمصلحة الفريق الاخضر فماتش الفريقين بعدما رجعت لتقنية VAR، وماركاو منها النسور التعادل وقال انها خيالية.

هلال الطير ولد الرجا واللي فايت خدم فالرجاء سوا كمدرب او فالادارة التقنية، بارك للاعبين اتحاد طنجة فتصريح له بعد الماتش، واخا خسرو مع النسور بنتيجة 2 لواحد، واكد انهم دارو مستوى كبير وفرضو على لاعبي الرجاء يلعبو ضد الطبيعية ديالهم، وان اتحاد طنجة ريسكاو بزاف وكيستحقو الاحترام واخا خسرو.

هلال الطير شاف ان اتحاد طنجة تظلم تحكيميا، وبعدما كانو رابحين بواحد لزيرو جابو الرجا التعادل من بيلانتي كيقول انه خيالي، قبل ما يزيدو الهدف الثاني، وقال هلال طير: “ديجا عندي سوابق مع التحكيم.. وعلى حساب ما قالو اللاعبين وما شفت أنا فضربة الجرزاء خيالية”.