كود سبور//

قررو الرجاويين اللي ناشطين على مواقع التواصل الاجتماعي يكالميو اللعب بين جمهور الرجاء فعلاقتهم المتشنجة مؤخرا مع الجامعة الملكية المغربية لكرة القدم، وهذاك الهجوم اللي تعرض له رئيسها من طرف شي وحدين كيتقال أنهم رجاويين وآخرها فالفينال د كأس العرش.

أتحاد صفحات الرجاء الرياضي على مواقع التواصل الاجتماعي، خرج بلاغ بلغة فيها بزاف ديال الديبلوماسية نوه من خلال باللاعبين اللي فسخو عقودهم مع الفريق وتنازلو على مستحقاتهم، وبالعمل اللي كيدير رئيس النادي محمد بودريقة سوا تجاه الجمهور أو تجاه الفريق، وكذلك بالمبادرات ديال المنخرطين.

الصفحات الرجاوية كانت ذكية وبلاغها ختماتو بميساج مهم موجه للجامعة الملكية المغربية لكرة القدم ورئيسها فوزي لقجع، حيث خرجت نوهت بالأخير والمجهودات اللي كيدير لصالح الأندية المغربية، وهذا بوحدو راه دليل على أنه الرجاويين ما عندهم حتى مشكل مع رئيس الفيديراسيون وأن داكشي اللي كيصدر تجاهو جاي غير من شي مندسين وسط جماهير الخضرا.