وكالات- كود//

في أوگاندا الناس كيعولو على استخراج الملح باش يعيشو حياة كريمة. لكن هاد الخدمة مرهقة بزاف والما المالح كيدير ليهم التهابات وتشوهات خلقية. وباش يحافظوا على أعضاءهم الذكرية كيخدمو وهوما دايرين الواقي .

وجا في تحقيق دارتو “DW” أن الحكومة الأوگندية كتفرق الواقي الذكري فابور لمكافحة السيدا وغيره من الأمراض المعدية. ولكن بدلا من ذلك، كيستعملوخ عمال الملح لحماية أنفسهم من أضرار المياه المالحة.

وقال عامل أن الإقبال على البريزيرفاتيف كيخليه يتقادا دغيا من المركز الصحي الحكومي.

ودابا ولا عندهم نقص كبير بزاف والمخزون ديال شهرين ولا كيكفي لشهر واحد فقط. وبخصوص العيالات لي كيخدمو في الما مالح، حتى هما مكيخليوش الما يوصل للمناطق الحساسة خوفا من العقم.