الرئيسية > كود سبور > الرجاء قلبوها محمدية حيث الجديدة عامرا
11/08/2022 18:00 كود سبور

الرجاء قلبوها محمدية حيث الجديدة عامرا

الرجاء قلبوها محمدية حيث الجديدة عامرا

كود سبور//

تراجع الرجاء الرياضي على السفر إلى مدينة الجديدة باش يستعد فيها للموسم المقبل، وفضل يعسكر شمال الدار البيضاء والضبط فمدينة المحمدية.

وفضل الرجاء يسافر لمدينة المحمدية ويدير فيها معسكر اعدادي مغلق اليوم، بدل مدينة الجديدة حيث ما غيكونش بإمكان الفريق التحضير فراحتو وحسب البرنامج لي باغيه فحالة عسكر فعاصمة دكالة، نظرا للضغط لي كتعرفو المدينة بسبب توافد مجموعة من الفرق الوطنية عليها، باش حتى هي تستعد للموسم لي جاي.

البرنامج ديال الرجاء الرياضي تحت إشراف المدرب فوزي البنزرتي فالمعسكر التديربي، غيحاول من خلالو يلعب مباريات ودية اعدادية، مع العلم أن الفريق غيغيبو عليه مجموعة من اللاعبين بسبب دخولهم فالمعسكر ديال المنتخب الوطني المغربي المحلي.

موضوعات أخرى

06/10/2022 21:30

طنجة كتوجد باش تبدا مشروع تحلية الما ديال البحر فمواجهة الخصاص الخطير فالما الصالح للشرب