كود سبور//

قرب العراقي أيمن حسين يمشي من الرجاء الرياضي، خصوصا بعد المستويات اللي قدم مع الفريق ملي بدات البطولة الاحترافية، وآخرها الظهور ديالو مع الخضرا ضد حسنية اكادير فالبطولة الاحد الماضي والأهداف اللي ضيع.

وحسب مصادر مطلعة، فالمهاجم العراقي أيمن حسين ما غيطولش فالرجاء الرياضي، حيث مكونات الفريق ما عاجبهومش المردود ديالو، وحتى تسريبات المقربين منو الإعلام العراقي فكل مرة اخبار كتقول انه غيمشي للقوة الجوية العراقي.

ومن المنتظر تكون الساعات المقبلة حاسمة فمستقبل أيمن حسين مع الرجاء الرياضي، بعدما سناو معه الميركاتو الصيفي الماضي باش يعزز صفوف الفريق لمدة موسم واحد.