كود سبور//

فراوها الرجاء الرياضي برئاسة محمد بودريقة، مع التونسي منذر الكبير المدرب السابق للفريق وتوصل منهم بالمستحقات اللي كانت كيتسال.

وبعدما كان المكتب المديري للرجاء الرياضي توصل مع منذر الكبير بحل للفراق بالتراضي مع نهاية الموسم الماضي وما يمشيش يدعي الفريق للفيفا او الطاس، مقابل انهم يسلمو له داكشي اللي كيتسالهم فالاتفاق بينهم، مع العلم انهم كانو دارو معاه يعطيوه 190 مليون مقابل فسخ العقد مقسمة على ديطرونش، وحسب مصادر مطلعة، كملو له دابا داكشي اللي كان كيتسالهم والشطر الاخير، وفكو معه المشكل بعد اشهر من الانفصال عليه واللي كان مع نهاية الموسم الماضي.

وكان منذر الكبير جا للرجاء الرياضي فالمرحلة اللي كان فيها الرئيس السابق عزيز البدراوي، ونتائج الفرق ومستواه معه مكانوش هما هادوك بحيث انه ودع الموسم الماضي دوري أبطال افريقيا من ربع النهائي وخسر لقب البطولة واحتل المركز الخامس الشي اللي ما خلاهش بتأهل حتى لشي مسابقة افريقية.