كود سبور//

حقق الرجاء الرياضي أول انتصار له هذا الموسم الرياضي من بعدما ربح فريق نيجليك فالنيجر، فذهاب دور 32 من دوري أبطال إفريقيا مساء السبت.

وربح الرجاء الرياضي الماتش ضد نيجليك بحصة 2 لزيرو وانتظر الجولة الثانية من المباراة لتسجيل الهدف عن طريق زكرياء الهبطي اللي دخل فالماتش كبديل لزكرياء حدراف، وتمكن من تسديد كرة خادعة فمرمى نيجليك، قبل ما يمنح أسيست زوين للزميل ديالو سفيان بنجديدة فأخر الحظات واللي تمكن من تسجيل البيت الثاني للخضرا وسالا الماتش اللي ما تنقلش فالتلفزة بفوز الرجاء.

وكيبقى هذا الفوز ديال الرجاء الرياضي على نيجليك من النيجر إيجابي بزاف للفريق الاخضر، حيث خرج الفريق من دوامة النتائج السلبية اللي عاشها منذ بداية الموسم الرياضي الحالي، وأيضا لكون هذا الرباح تحقق خارج الميدان الأمر اللي غيخلي الفريق يدير رجل فدور ليكروب فانتظار ماتش الروتور فالمغرب.