كود سبور//

مستمرين الرجاء الرياضي فالتخطيط ديالهم باش يدعمو الفريق بلاعبين فالميركاتو الشتوي الجاي، وحسمو صفقة جديدة.

وتوصلو الرجاء الرياضي لاتفاق مع اللاعب الإيفواري هيرفي كاي لاعب الفتح، باش يلعب مع الفريق الأخضر خلال النص الثاني من هذا الموسم لمدة 6 أشهر، وهي صفقة انتقال حر مع إمكانية تجديد العقد لموسم آخر.

وهادي هي ثاني صفقة كيحسموها الرجاء الرياضي خلال هاد الأيام وقبل ما يبدا الميركاتو، بعدما سناو مع المهاجم البوليفي فيكتور اوبريكو، والتوقيع مع الإيفواري هيرفي كاي كيلمح لقرب مغادرة التوكولي اهولو للرجاء، الشي اللي فيخلي الفريق الأخضر يستافد من عائدات مالية مهمة.