كود سبور//

غايستانف الرجاء الرياضي التداريب ديالو استعدادا لمواجهة فريق حسنية أكادير الأحد الجاي بمدينة أكادير، برسم الدورة 20 من الدوري الاحترافي المغربي لكرة القدم.

وغايخوض الرجاء الرياضي حصة تدريبية اليوم الجمعة بأكاديمية الفريق من بعدما رجع البارح الخميس إلى المغرب قادما من مالي، وغايبدا المدرب مندر الكبير يوجد اللاعبين للمباراة المهمة أمام حسنية أكادير الأحد المقبل.

وغاتكون الحصة التدريبية ديال اليوم فرصة كذلك، بالنسبة للطاقم التقني والطبي للرجاء باش يعرف جاهزية اللاعبين، والمصابين واش براو وقادرين يلعبو ولا مازال، ومنهم إسماعيل مقدم اللي توعت ضد حوريا كوناكري الغيني.