الرئيسية > آش واقع > الرباط ومدريد تجاهلو قضية التجسس بـ”بيگاسوس”.. الدولة العميقة فاسبانيا مامسوقاش لاتهامات اليسار الراديكالي ومحاولات توريط المغرب وهاكيفاش الجارة محتاجة الحماية من بلادنا
06/05/2022 14:30 آش واقع

الرباط ومدريد تجاهلو قضية التجسس بـ”بيگاسوس”.. الدولة العميقة فاسبانيا مامسوقاش لاتهامات اليسار الراديكالي ومحاولات توريط المغرب وهاكيفاش الجارة محتاجة الحماية من بلادنا

الرباط ومدريد تجاهلو قضية التجسس بـ”بيگاسوس”.. الدولة العميقة فاسبانيا مامسوقاش لاتهامات اليسار الراديكالي ومحاولات توريط المغرب وهاكيفاش الجارة محتاجة الحماية من بلادنا

كود الرباط//

الرد على البوليميك والصداع لي نايض فاسبانيا على بيغاسوس ومحاولات اتهام المغرب بالتجسس على رئيس الحكومة الاسبانية ووزيرة الدفاع، كان واضح اليوم ولبارح خلال اللقاءات الرفيعة المستوى بين المسؤولين المغاربة والاسبان في الرباط.

اليوم تناقش موضوع الهجرة، موضوع أمني كبير، فيه تحديات كبيرة، طبعا مسؤولي البلدين مناقشوش بيغاسوس ولا تسوقو ليه، بداو الخدمة والتنسيق باش كولشي يدوز مزيان.

المسؤولين المغاربة والإسبان كيشوفو مصلحة الأمن القومي لبلدانهم ماشي مزايدات اليسار الراديكالي فاسبانيا، يعني المشكل الداخلي كيبقا داخلي ومعندو داخل فهاد العلاقات الاستراتيجية بين مدريد والرباط، وخصوصا فموضوع ديال الهجرة.

الصور ديال الاجتماع اليوم كتبين بلي صفحة الخلافات السابقة طوات، وكاين العمل بتنزيل الاعلان التاريخي المشترك بين الملك محمد السادس ورئيس حكومة اسبانيا بيدرو سانشيز. الاعلان فيه 16 اتفاق للمرحلة الجديدة. اهمها هو اعتبار مدريد، الحكم الذاتي الحل الأكثر مصداقية وواقعية للقضية الوطنية، اضافة إلى عودة العلاقات الاقتصادية والتجارية والتنسيق المشترك فجميع المجالات.

المغرب فنسق الاجتماع قدم معطيات على كيفاش كيحمي الحدود الاسبانية، بحيث فعام 2021 و3 أشهر الاولى من 2022، قامت السلطات بإحباط كثر من 77 ألف محاولة للهجرة السرية و61 عملية اقتاح لمليلية وسبتة وتفكيك 308 شبكة إجرامية للاتجار وتهريب المهاجرين.

الجانب المغربي مثله عدد من المسؤولين وعلى رأسهم خالد الزروالي، الوالي مدير الهجرة ومراقبة الحدود بوزارة الداخلية.

ومن الجانب الإسباني، حضر الاجتماع وزير الدولة المكلف بالهجرة في إسبانيا “Jesus Perera Cortijo”، وكاتبة الدولة للشؤون الخارجية “Angeles Moreno Bau”، وكاتب الدولة المكلف بشؤون الأمن في وزارة الداخلية الإسبانية.

موضوعات أخرى