احمد طيب – كود//

حسب موقع مغرب أنتلجنس، السلطات فـ الرباط قررت تغيير اسم واحد من شوارع العاصمة وغايسموه “شارع دونالد ترامب”، تكريمًا للرئيس الأمريكي السابق على المواقف اللي ساند فيها قضية الصحراء المغربية.

المصدر أشار باللي شارع النخيل بحي الرياض هو اللي غادي يتبدل لاسميتو، وغايسمّى شارع دونالد ترامب، فإشارة للعرفان بالدعم الأمريكي الثابت للمغرب فـ وحدتو الترابية، وبالخصوص الدور اللي لعبو ترامب باش يتقبل القرار رقم 2797 ديال مجلس الأمن اللي كيدعم الموقف المغربي.

القرار غادي يتصادق عليه رسميًا من طرف الجهات المختصة، ومن بعد غادي ينظم حفل تدشين رسمي يحضرو فيه شخصيات مغربية ودبلوماسية، كرسالة على تعزيز العلاقات بين المغرب والولايات المتحدة واحتفاء بالموقف الأمريكي تجاه مغربية الصحراء.