الرئيسية > آش واقع > الراضي راسل الأمم المتحدة عن طريق دفاعو.. ومحامين: كنطالبو بمحاكمة عادلة والسراح
13/07/2021 21:18 آش واقع

الراضي راسل الأمم المتحدة عن طريق دفاعو.. ومحامين: كنطالبو بمحاكمة عادلة والسراح

الراضي راسل الأمم المتحدة عن طريق دفاعو.. ومحامين: كنطالبو بمحاكمة عادلة والسراح

عفراء علوي محمدي- كود//

راسل الصحافي المعتقل، عمر الراضي، فريق الأمم المتحدة لمناهضة الاعتقال التعسفي، اليوم الثلاثاء 13 يوليوز، بعد 311 يوم من اعتقالو احتياطيا.

والمراسلة تمت عن طريق المحامين ديالو الفرنسي، ويليام بوردون، والبلجيكيين كريستوف مارشون ونيكولا كوهين، وبتنسيق مع المحامي المغربي ميلود قنديل.

وحسب بلاغ صادر عن شركة المحاماة Jus Cogens، تم إنشاء هيئة عمل شبه قضائية لدراسة حالات الاعتقال التعسفي المقدمة لها بشكل مسقل.

وقال البلاغ أن الراضي متابع بالتجسس والاعتداء الجنسي، وهوما التهم اللي كينفيها، وهو مسجون تعسفا حسبهم دابا لمدة 311 ليوم، وعلى هذشي طالبو بمحاكمتو بشكل عادل وإطلاق سراحو.

وسبق للمحامي البلجيكي، كريستوف مارشان، تمنع من الدخول للمغرب، من بعد ما كان جاي يحضر لإحدى جلسات محاكمة الراضي، وتم ترحيلو فالبلاصة لبلادو.

موضوعات أخرى

28/03/2024 10:00

تمويل مول “الشروق”. بوصوف باغي يخلع القضاء بالرسالة الملكية: غير خرج خبار التحقيق معاه نشر رسالة للملك فالفايسبوك وسبونوسوريزياها

28/03/2024 09:00

محكمة فالصبليون برأت المتهمين فقضية لكسيدة اللي ماتو فيها 8 ديال المغاربة ف اسبانيا عام 2008

28/03/2024 07:00

سمية الخشاب دخلات طول وعرض فبرنامج الكاميرا الخافية ديال رامز جلال: هادي جريمة كيعاقب عليها القانون

28/03/2024 03:00

السروال ديال مقدم برنامج بريطاني داير أزمة فكوريا الجنوبية.. ها شنو دارت القناة ديالهم- فيديو