وكالات//

كشف مغني الراب الميريكاني كانييه ويست أنه مصاب بحالة من التوحد، وبيّن أن التشخيص اللي كان عندو قبل بالاضطراب ثنائي القطب كان غلط.

هادشي قالو فمقابلة مع الإعلامي جاستن لابوي، حيث وضح أن مراتو بيانكا سينسوري كان عندها دور كبير فاكتشاف التشخيص الصحيح.

كانييه ويست شرح أن مراتو لاحظات أن سلوكياتو ما متوافقة مع أعراض الاضطراب ثنائي القطب، وهادشي خلاها تاخدو عند طبيب مختص كان خدم مع جاستن بيبر.

من بعد ما فحصو حالتو، تبين أنه مصاب بالتوحد وماشي بالاضطراب ثنائي القطب كما كانو كايظنو من قبل.

من خلال الهضرة ديالو، قارن ويست حالتو بشخصية الفيلم Rain Man، وقال إن التوحد ديالو خلاه يتصرف بطرق لي ممكن تبان غير مفهومة لناس، بحال أنه كيلبس طربوش ترامب واخا  الانتقادات.

وكانت هادي ماشي أول مرة كيهضر فيها كانييه ويست على حالتو الصحية، حيث كان صرح فـ 2023 أنه ماعندوش اضطراب ثنائي القطب، ولكن عندو “علامات توحد” وبدات تظهر من بعد ما تعرض لكسيدة فـ 2002، حسب موقع TMZ.