سامي العلوي-كود سطات//
هادي كتسمى فضيحة النصب على شركات التامين الفلاحي. الرئيس السابق لجماعة القراقرة بدائرة ابني مسكين قدم تصريح بأنه حرث 30 هكتار ديال الأرض على شكل مجموعة من البقع، والواقع أنو حرث غير 5 ديال الهكتارات.
مصادر مطلعة قالت لـ”كود”، أن هاد الشي للي صرح به الرئيس السابق لجماعة القراقرة لشركة التامين الفلاحي غير كذوب والأرض للحرث فيها غير 5 ديال الهكتارات و25 لخرى غير زادها باش ياخذ فلوس كثيرة من الشركة مستغل في هاد الشي سذاجة نواب الأراضي السلالية بالقبلة.
نفس المصادر، وضحات لـ”كود” أن هاد العملية ديال التصريح بالأرض لي تحرثات تشوبها عدة خروقات منها عدم الدقة فيما يتم التصريح به من طرف الفلاحين طمعا منهم فالاستفادة بمبلغ كبير، كما أن هناك من يستغل سداجة وأمية نواب الجماعة السلالية، ليغرقهم في مثل هاد الخروقات.
المصادر نفسها طلبات من السلطات الوصية باش تتدخل للحد من هاد الخروقات والتلاعبات اللي كثقل كاهل التعاضدية الفلاحية للتأمين.
