گود سبور- بخارى//

اكد هشام الدگيگ مدرب المنتخب الوطني المغربي لكرة القدم داخل القاعة، ان الماتش ديال ليكيب ناسيونال ضد ايران برسم ثمن نهائي كاس العالم غدا الخميس، فمدينة بخارى فأوزباكيستان، غاتكون صعيبة، مختلفة على الماتشات اللي كانو من قبل.

وقال هشام الدگيگ فتصريح لـ گود: “المباراة مصيرية، ووجدنا لها من جميع الجوانب تقنيا وتكتيكيا وذهنيا، وكيف كاتعرفو غانلعبو ناقصين وملي كاتبدا المنافسة الفيفا ما كايخليوكش تزيد لاعب، ولكن نتمناو ان التركيز ديالنا يبقى حتى الأخير وناخدو التأهل”.

وكمل هشام الدگيگ، قال: “كاين اختلاف كبير بين الماتش ضد ايران والماتش ضد منتخب البرتغال، اللي كنا كانقلبو فيها على الصدارة ديال المجموعة، داكشي علاش كانت اخطأ، وضد ايران غانحاولو ما تعاودوهاش”.