كريم الصوفي – كود//

[email protected]

قالت تقارير إخبارية، أن الديوانة ديال فرنسا حجزو، مؤخرا، حوالي طن ونص ديال الحشيش المهرب من المغرب ف كاميو من اسبانيا. هاذ العملية تمات ف أطوروت قريبة من مدينة مونبلييه اللي معروفة بنشاط كبير ديال مهربي المخدرات. كما أشارت التقارير ذاتها، أن الفترة بين 15 و 27 شتنبر الفايت، عرفات مصادرة 210 كيلوغرام من الحشيش ف طوموبيل ف منطقة بربينيان.

وأضافت ميدي ليبر الاخبارية، أن هاذ الكمية كانت مخبعة ف باليزات وفيها بالضبط كمية وزنها تقريبا أكثر من 1.4 طن من راتنج القنب. هاذ الكمية اعتبرات قياسية ف تاريخ المضبوطات ديال الحشيش من طرف الديوانة الفرنساوية  بمنطقة أوكسيتانيا على محور الطريق السريع بين جنوب وشمال البلاد.