كود سبور//

غايتلعب ماتش الدريبي بين الوداد والرجاء الرياضيين السبت الجاي بالليل وبحضور الجمهور، ضمن الدورة 26 من البطولة الاحترافية لكرة القدم.

وتم تحديد الساعة 8 ليلا من مساء السبت الجاي كموعد لانطلاق ماتش الديربي بين الوداد والرجاء الرياضيين فستاد دونور.

وغايتحل ملعب مركب محمد الخامس فالديربي للجماهير البيضاوية، ولكن حضور الجمهور لهذا الماتش مشكوك فيه واش يكون كبير وممكن يكون عزوف بسبب دعوات الجماهير لمقاطعة الماتش على مواقع التواصل الاجتماعي، خصوصا وان الألتراس ديال الفريقين كايشوفو ان الجمهور كايتمنع من التنقل لمدن اخرى وستاد دونور تعطل بزاف باش تعاود تحل وهذا الشي اثر على الفراقي بجوج اللي خرجو بزيرو لقب هذا الموسم.