الرئيسية > كود-تيفي > الدولة نهارت. لبنانيون لماكرون: انقدنا من العصابة اللي حاكمانا عاونونا وما تعطيهمش لفلوس راهم فاسدين =فيديو
06/08/2020 21:00 كود-تيفي

الدولة نهارت. لبنانيون لماكرون: انقدنا من العصابة اللي حاكمانا عاونونا وما تعطيهمش لفلوس راهم فاسدين =فيديو

الدولة نهارت. لبنانيون لماكرون: انقدنا من العصابة اللي حاكمانا عاونونا وما تعطيهمش لفلوس راهم فاسدين =فيديو

عن الوكالات ///

يوم تاريخي دارو رئيس فرانسا مانويل ماكرون فلبنان. تلاقى فالشارع مع لبنانيين طالع فيهم الدم. قبل ما يوصل كان شي 36 الف لبناني دارو عريضة كيطالبو بفرانسا ترجع تستعمرهم. هادي بوحدها كيبين الوضعية اللي وصلوها ناس لبنان. هاد الشي بان لقاء ماكرون مع المواطنين.

لبنانية كتطلب منو “ما تعطيوش لفلوس لحكومتنا الفاسدة. راه ما بقيناش قادرين نتحملو” فيرد عليها رئيس فرانسا “ما تخافيش”.

ماكرون دار فشوارع بيروت ووصل حتى الميناء اللي وقع فيه الانفجار اللي قتل كثر من 137 شخص ودمر بزافت لبيوت. الناس استقبلو ماكرون ب”ثورة ثورة. الشعب يريد تغيير النظام” و”ما بقات عندنا ثقة فالدولة” وشي وحدين كانو كيصرخو باسم “فرانسا” و”عاش ماكرون” واخرين كانو اكثر يأسا خاطبو رئيس فرانسا “انتوما الامل الوحيد اللي بقى لينا” و”ساعدونا”

زيارة بينات انهيار دولة كاملة. شعب ما تايق حتى فشي حد. حروب طاحنة داخلية على لخوا الخاوي

موضوعات أخرى

01/10/2020 21:30

حصيلة كورونا فالأقاليم والجهات اليوم: غير 4 دالمديريات اللي علنات على التفاصيل.. و1250 إصابة جديدة فكازا سطات.. وأعلى نسبة دالشفاء كانت فسوس لليوم الثالث