الرئيسية > آش واقع > الدنيا مقربلة فالمدرسة الوطنية للتجارة والتسيير فسطات.. نائب المدير تشفر ليه پيسي من البيرو والبوليس هزو البصمات
10/05/2022 19:20 آش واقع

الدنيا مقربلة فالمدرسة الوطنية للتجارة والتسيير فسطات.. نائب المدير تشفر ليه پيسي من البيرو والبوليس هزو البصمات

الدنيا مقربلة فالمدرسة الوطنية للتجارة والتسيير فسطات.. نائب المدير تشفر ليه پيسي من البيرو والبوليس هزو البصمات

سامي العلوي – كود //

محدها تقاقي وهي تزيد في البيض. حتى كنقولو جامعة سطات تكالمات وكيبان فيها مشكل جديد، اليوم الصباح تفاجأ (م.م) نائب مدير المدرسة الوطنية للتجارة والتسيير بسطات بأن الپيسي ديالو اللي خلاه البارح مع 16:00، جا اليوم للبيرو لقاه طار.

وتوصلات مصالح الامن على حد ما قالت المصادر ديال “گود” ببلاغ كيفيد بللي البيسي تشفر من البيرو ديال نائب المدير، واللي هو نائب المنسق الإقليمي ل”حركة معاً” بسطات ولي كانت ورا تفجير مجموعة من الملفات اللي كبيرة بحال “الجنس مقابل النقط”.

والسؤال الكبير هو كيفاش تنفذات هاد السرقة بالتزامن مع تنظيم المدرسة الوطنية للتجارة والتسيير لدورة “مولاي الحسن” فنسختها ال11.

ومللي طلع الصباح وعناصر الشرطة العلمية جات لمسرح الجريمة وهزات البصمات وغادي يرجعو للكاميرات وخاصة أن البيرو ديال نائب المدير وسط الإدارة ودايرين به بزاف ديال كاميرات المراقبة.

موضوعات أخرى