كود سبور//

شكر الناخب الوطني هشام الدكيك مدرب المنتخب المغربي للفوتسال، الجامعة الملكية المغربية لكرة القدم ولاعبين ليكيب ناسيونال على المجهودات اللي دارو باش قدرو يربحو كأس العرب للمرة الثالثة على التوالي.

وتحدث هشام الدكيك، خلال الاستقبال اللي دارتو جامعة كرة القدم للمنتخب المغربي بمناسبة إحراز كوب داراب، وقال: “كنشيد بالمجهودات اللي داروها اللاعبين وتركيزهم اللي كان فالمستوى وخذاو المباريات كلهم بجدية، وماتش ورا ماتش كانت كتبان القوة والهيمنة ديال المنتخب الوطني المغربي.

وكمل هشام الدكيك وقال: “كنشكرو الجامعة الملكية المغربية لكرة القدم فشخص رئيسها فوزي لقجع على العناية بالمنتخب وكنشكر الجمهور المغربي وهنيئا لأسرة لفوتسال المغربي”.