الرئيسية > كود سبور > الدكيك حصريا لـ”كود” عن الحجر: مونديال ليتوانيا مازال فبلاصتو وولفنا كندربو عن بعد مشحال هادي وأطباء ومختصون فالتغذية كيراقبوا اللعابة باستمرار
07/04/2020 13:00 كود سبور

الدكيك حصريا لـ”كود” عن الحجر: مونديال ليتوانيا مازال فبلاصتو وولفنا كندربو عن بعد مشحال هادي وأطباء ومختصون فالتغذية كيراقبوا اللعابة باستمرار

الدكيك حصريا لـ”كود” عن الحجر: مونديال ليتوانيا مازال فبلاصتو وولفنا كندربو عن بعد مشحال هادي وأطباء ومختصون فالتغذية كيراقبوا اللعابة باستمرار

كود سبور//

هشام الدكيك، مدرب المنتخب الوطني لكرة القدم داخل القاعة، أكد أن مولف يخدم مع اللعابة ديالو عن بعد مشحال هادي، وان الكونصوتراسيون كانت بغرض التكتيك فقط.

الدكيك أكد في تصريح ل”كود”، أنه كيعطي برامج محددة للاعبين، عبارة عن رسوم باش يطبقوها بتنسيق مع المعدين البدنيين حسن اللوداري وصلاح الدين لحلو، مشيرا إلى أن هاد البرنامج علمي حسب متطلبات اللاعبين سواء من الناحية البدنية أو التقنية مازال غير الجانب التكتيكي غادي نخدمو عليه بعد انتهاء فترة الحجر الصحي، المفروض على جميع المغاربة بسبب تفشي فيروس كورونا المستجد.

وأكد الدكيك أنه عاطي أهمية كبيرة للبرنامج الغذائي لتفادي الزيادة في الوزن، وتابع “كل واحد عندو برنامج ديالو خاص حتى فلونتيرومو وحسب المساحة اللي عندو فدارو، كاين اللي عندو السطح كيدرب فيه واللي عندو مساحة صغيرة درنالو برنامج خاص، بحيث جبنا ليه معدات خاصة بقوة التحمل بحال تابي رولون والفيلو وحددنا كل يوم شنو خاصة يدار، واللاعبين جداد ومعندهومش الإمكانيات المالية شرينا ليهم هاد المعدات”.

الدكيك أكد أن برنامج منتخب فوت صال مكثف، لأن الاتحاد الدولي لكرة القدم مازال لم يحسم بعد كأس العالم، اللي غادي تنظم في ليتوانيا، وبالتالي المونديال مازال فبلاصتو وخلصنا نبقاوا على استعداد تام.

بخصوص النظام الغذائي أكد الدكيك أن اللاعبين عارفين أنه في كأس العالم خاصعوم يكونوا في قمة مستواهم، لهذا استعنا بثلاث أطباء باش تكون تغذية متوازنة وريجيم مفيد ومتابعة صحية يومية تمت إشراف طاقم يتكون من بلال رضى والدكتور روحي وحتى الطبيب نبيل العياشي الخاص بالتغذية.

موضوعات أخرى