الرئيسية > آش واقع > الدفعة الاولى من فاكسان استرازينيكا فالسما جاية لكازا. طيارة “دريم لاينر” قلعات من الهند ومع الجوج تكون فكازا وغادي يبدا تلقيح اكثر من مليون مغربي من غدا
22/01/2021 08:30 آش واقع

الدفعة الاولى من فاكسان استرازينيكا فالسما جاية لكازا. طيارة “دريم لاينر” قلعات من الهند ومع الجوج تكون فكازا وغادي يبدا تلقيح اكثر من مليون مغربي من غدا

الدفعة الاولى من فاكسان استرازينيكا فالسما جاية لكازا. طيارة “دريم لاينر” قلعات من الهند ومع الجوج تكون فكازا وغادي يبدا تلقيح اكثر من مليون مغربي من غدا

كود الرباط – صور دوزيم//

طيارة تابعة للخطوط الملكية المغربية من نوع بوينگ “دريم لاينر”، خرجات من  مطار تشاتراباتي شيفاجي الدولي ببومباي الهندية محملة بازيد من مليون جرعة من لقاح كورونا.

القيمة اللي جاب المغرب في اطار “التصنيع التجاري”، كافية تلقح مليون و100 الف جرعة، اما الطيارة اللي هزات ما يكفي لتلقيح جوج مليون شخص فغادية للبرازيل.

طيارة لارام  من نوع “دريم لاينر” 787-800، وصلات تقريبا بعد منتصف ليلة الخميس الجمعة ولقات الشحنة كتسناها، لتنطلق في طريق العودة للمغرب في الساعات الاولى من صباح الجمعة وغادي توصل فحدود الجوج اليوم. وتوقعت مصادر “كود” ان يبدا تلقيح الاطر الطبية اولا ابتداء من غدا.

ومن المتوقع حسب مصادر “كود” باش تكون رحلة اخرى بعد يومين وتجيب نفس الكمية اللي تقدر تلقح مليون مغربي.


وفق مصادر “كود” هاد الطائرة اسبوع وهي كتسنا باشي تمشي للهند، تجيب للمغاربة اول دفعة من لقاح استرازينيكا اللي تعطل بزاف باش يوصل.

المغرب والبرازيل هوما الدول الاولى اللي خدات اللقاح في إطار “التصنيع التجاري” للقاح اللي كديرو الهند.

وكانت الحكومة الهندية قد اعلنت امس، أنها رخصت لتصدير لقاحات أوكسفورد-أسترازينيكا، الى المغرب، حيث تنطلق أولى الرحلات غدا الجمعة في اتجاه المملكة.

وقال وزير الخارجية الهندي لرويترز إن حكومة الهند منحت الترخيص لتصدير لقاحات COVID-19 ، حيث سيتم شحن الشحنات الأولى إلى البرازيل والمغرب يوم الجمعة.

موضوعات أخرى