الرئيسية > آش واقع > الدخول المدرسي. بنموسى لاح الكورة للداخلية فسدان المدارس
31/12/2021 12:30 آش واقع

الدخول المدرسي. بنموسى لاح الكورة للداخلية فسدان المدارس

الدخول المدرسي. بنموسى لاح الكورة للداخلية فسدان المدارس

كود سعيد الشاوي ////

البارح علنات الحكومة بعد اجتماعها الاسبوعي باللي الدخول المدرسي سيكون يوم الاثنين المقبل. الناطق الرسمي باسم الحكومة مصطفى بيتاس قال باللي ما كاينش تمديد للعطلة.

قال كلمة اخرى فيها كلشي “غيتم تدبير اي تطور للوضعية الوبائية اقليميا ومحليا وليس وطنيا”. هاد الشي كيعني بوضوح باللي شكيب بنموسى وزير التربية الوطنية والرياضة تخلى على مهامو فقضية سدان المدارس ولاح الكورة عند الداخلية.

شكون كيتحكم اقليميا فالوضعية؟ العمال والولاة. لا المناديب الاقليميين ولا حتى مدراء الاكاديميات يقدرو يقررو فهاد الموضوع. طبعا حتى المدراء الجهويين للصحة ما عندهمش شي كلمة فقضية كتهم كورونا. اللي كيحكم بصاح هو الوالي والعامل.

دابا هاد الشي اللي دارو بنموسى كيخليه مهني من هاد الشي. هو اصلا كان وزير داخلية وعارف هاد الشي مزيان.

غدا ايلى مدرسة فشي بلاصة فيها حالات كورونا٬ راه قرار الاغلاق فالاخير كيقرروه رجالات الداخلية. الباقي غير زايد وصافي

دابا ضغط اخر تفرض على الداخلية وتخفف على التعليم.

موضوعات أخرى