كود الرباط//

علمت “گود” من مصدر مطلع أن رؤساء فرق الأغلبية بمجلس النواب، غادي يتلاقاو اليوم الاربعاء، لمناقشة تفاصيل الدخول السياسي وعلاقتو بالأوضاع السياسية والاجتماعية الحالية خضوصا استمرار ارتفاع الاسعار.

ويأتي اللقاء ديال الاغلبية البرلمانية فسياق الغضب ديال عدد من النواب البرلمانيين ضد رؤساء الفرق بسبب التماهي مع خطاب الحكومة وعدم التفاعل مع الرأي العام بخصوص القضايا المحرجة بحال ملف الحريگ للي اساء لبلادنا وفق تعبير حقوقيين ونشطاء.

هاد الاغلبية للي تالفا اصلا بسبب الصراع على المناصب وبسبب مطالب البرلمانيين والمقربين بضرورة تعيين اقاربهم في مناصب المسؤوليات سواء في تعيينات المجلس الحكومي او توظيفات المؤسسات العمومية.

للي مشا للفنيدق غايشوف العذاب فاش عايشين القوات العمومية والسلطات المحلية، سواء من حيث الليالي لي كيسهرو والمراقبة والفر والكر مع القاصرين فالجبال، وزيد عليها الفيديوهات والتصريحات ديال الحراكة والمنشورات الفايك للي كاتزيد تحطم ف النفسية الجماعية للمغاربة.

النفسية الجماعية للمغاربة وتقاست وكولشي عارف الغضب ديال الاسر المغربية والمشاكل لي كتعاني مع مخلفات التضخم وكورونا والجفاف، ولكن الاغلبية عايش في وهم الانجازات الحكومية لي معندهاش تأثير على سوق الشغل بشكل مباشر، وهادشي كتقولو ارقام بنك المغرب والمندوبية السامية للتخطيط.