كود الرباط//

علمت “كود” من مصدر مطلع أن رئاسة هيئة الأغلبية الحكومية، غادي تجتمع اليوم الاربعاء 9 دجنبر الجاري، وذلك للوقوف على استعدادات الدخول السياسي والبرلماني الحالي.

وحسب مصدر “كود” فهاد الاجتماع غايكونو زعماء أحزاب الأغلبية (الأحرار، البام والاستقلال)، بحيث كل زعيم غايكون معه قيادي آخر للحضور.

هاد الاجتماع حسب مصدر “كود” عادي وروتيني وكيسبق ديما افتتاح البرلمان، للوقوف على تحديات الدخول السياسي والوضع الاقتصادي والاجتماعي فبلادنا.

اجتماع خصو يجبد بطبيعة الحال الوضعية لي وصلات ليها البلاد، خصوصا مور فضيحة ليلة العار 15 شتنبر، وصورة العار لي تسربت وبينات قاصرين عليهم آثار الضرب وعريانين (لابسين غير كيلوط) باغي يهاجرو لسبتة.

ويشار بلي افتتاح البرلمان غايكون يوم الجمعة 11 شتنبر، وللي جرت العادة يفتتحو سيدنا، وتيكون فيه خطاب بتوجهات كبرى للحكومة وللسلطات.