وكالات//

ليدي غاغا شعلات الأجواء فريو دي جانيرو نهار السبت، فحفل ضخم ومجاني على شاطئ كوباكابانا، ورجعات للبرازيل بقوة بعد غياب طويل ديال دام 13 عام.

قالت ليهم: “مشتاقا ليكم بزاف”… هاد الجملة هتفات بيها نجمة البوب الأميركية قدام الجمهور، قبل ما تغني من أشهر أغانيها “بوكر فيس”، وهي كاتغني فوق رقعة شطرنج كبيرة، اللي كانت وحدة من الديكورات المميزة فهاد العرض اللي دام ساعتين قدم 2 دالمليون من المتفرجين.

المغنية اللي عندها 39 عام دخلات للمسرح متأخرة بحوالي عشرين دقيقة، وكانت واقفة على ارتفاع كتر من مترين فوق ذيل فستان قرمزي طويل، ومنين تفتح الفستان كيظهر قفص عمودي كانت راقصاتها مختبئات فيه باش يعطيو أداء أغنية “بلودي ماري”.

من بعد، تابعات ليدي غاغا العرض ديالها بأغنية “أبراكادابرا”، وهي من الأغاني الرئيسية فالألبوم ديالها الأخير “مايهم” اللي خرج فشهر مارس.