أميمة عطية – كود كازا ///

سجلت أتمنة ديال الدجاج فعدد من الأسواق في الدار البيضاء انخفاض قليل بحيت أنه وصل ثمن الكيلوغرام الواحد ل 11 درهما.

وحسب ما عايناتو “كود” فبعض الأسواق فكازا، عرف ثمن الدجاج تراجع مقارنة بداكشي لي كان فالأيام لي قبل.

وحسب ما أكدو مهنيين لـ”كود”، فإن هاد التراجع فالأثمنة كيبقى أمرا عادي فهاد الفترة، خصوصا مع ارتفاع الإنتاج مقارنة بالسنوات الماضية.

وزاد وضحو، أن وفرة العرض ساهمات فهبوط الأسعار، مؤكدين أن سوق الدجاج كيبقى متقلب، بحيت “مرة طالع ومرة هابط بحال البورصة”، على حد تعبيرهم.

وزادو كملو أن استمرار هاد تمن رخيص لفترة طويلة كيمكن ينعكس سلبا على المنتجين ويأثر مستقبلا على وتيرة الإنتاج والأسعار.