وكالات//

الدار لي تولد فيها أدولف هتلر فعام 1889 فالنمسا فبراوناو إم إن، وهي بلدة تقع على حدود النمسا مع ألمانيا، غادين يحولوها لكوميسارية، ودارو هادشي باش يديرو حد للناس لي كيمجدو  الدكتاتور النازي.

وزارة الداخلية النمساوية كانت كتكري هاد الدار لبزاف ديال المنظمات الخيرية، وبقات خاوية من 2011، ودابا العمال دارو لي باريير وبداو كياخدو القياسات باش يبداو البني، وغادي يكون كامل فالبني فاللول ديال 2026.

والحكومة النمساوية قالت أن أحسن حاجة تجي فهاد البلاصة هيا الكوميسارية، حيت كتحمي الحريات المدنية، ولكن كينين بزاف ديال الانتقادات لهاد الخطة ديال الحكومة النمساوية، والمؤرخ فلوريان كوتانكو كيقول أن هادشي غادي يمسح جزء كبير من التاريخ.