سامي العلوي -كود كازا //

تعرضت دار قائد مركز درك اولاد صالح لي تابع لسرية درك بسكورة نواحي كازا للشفرة بطريقة غريبة بحيت هند مجول او مجهولين على اقتحام منزل قائد ،ولي تتعتبر السكن الوظيفي ديالو ولي موجود وسط ثكنة درك اولاد صالح .

الاخبار اللي جات من اولاد صالح نواحي كازا ، تتقول ان هذا الشفار او الشفارة اقتحمو السكن الوظيفي او سرقو مبالغ مالية كبيرة او مجوهرات ،بعدما كان قائد المركز في عطلة .

مصدر ديال “كود ” اضاف ،ان قائد المركز تفاجأ يوم الاربعاء الماضي بسرقة منزله بعدما عاد من السفر رفقة الأسرة ديالو ،والأمر لي جعلو اخبر قائد سرية بسكورة تم القائد الجهوي لدرك كازا ولي تسب هذا الاخبار بحالة استنفار قسوة،حيت حل كبار المسؤولين والمركز القضائي ديال بوسكورة وفرقة التشخيص القضائي ديال حهوية كازا ولي عمل على رفع البصمات من مسرح الجريمة .

المصدر ذاته قال ،ان عناصر المركز القضائي فتحت اونكيط او ستمعات بعض الاشخاص إلى الإفادة ديالهم في محضر رسمي اودبا راه ماكينة شي جديد في الملف ولي خلف حيرة كبيرة وسط الرأي العام المحلي باولاد صالح ولي تيقول ان <<ثكنة الدرك الملكي تسرقات شوي كانو غادي يسرقوا المتريال >>.