كود كازا //

وزارة الداخلية جبدات مع عزيز البدراوي المدير العام ديال شركة الزبل أوزون بعدما لغات ليه الصفقة لي دارت مع الجماعة ديال سطات،وذلك بعدما رفضت الداخلية عدم التأشير عنها .

هاد الصفقة لي تتقول مصادر “گود” انها كانت منوضة قربالة بين الأغلبية والمعارضة وواخا هكاك حتى شي وحدين من الاغلبية مبغاوش الصفقة ومنهم النائب الاول ديال الجماعة لي سيق اوقال خلال مداخلته في احدى دورات المجلس الجماعي انه غير راضي على خدمات الشركة. كما اننا نعلم كذلك ان الشركتين المتنافستين على نفس الصفقة تقدموا بطعون في الموضوع للجهات المختصة من اجل المحافضة على التنافس الشريف في الصفقات العمومية .

وكانت صفقة الزبل خلف جدل واسع بين الاغلبية والمعارضة ،حيث صبحت حديث العام والخاص المقاهي والشارع وزعزعت اغلبية مجلس سطات .