الوالي الزاز -كود- العيون///

[email protected]

دارت القيادة العسكرية ديال جبهة البوليساريو، البارح الأحد، اجتماع هدرو فيه على التطورات الميدانية اللي كاينة عندهم.

وقال بيان في أعقاب هاد الاجتماع أنه تناول “جملة من القضايا والمواضيع المتعلقة بالمؤسسة العسكرية”، بالإضافة لـ”دراسة وتحليل الوضع الميداني”.

اجتماع القيادة العسكرية لجبهة البوليساريو واخا ماشي استثنائي، ولكن كيجي فوقت كتعيش فيه جبهة البوليساريو حالة من التوجس والخوف من شي ردة فعل مغربية ميدانية يمكن تسالي بضم المنطقة العازلة، وهادشي ديجا قالو زعيمها إبراهيم غالي الأسبوع اللي فات وحذر منو.

هاد الحالة ديال التوجس والخوف كتجي أيضا بسباب الصمت المغربي وإعراضو عن التعليق على بعض المستجدات الميدانية واللي من بينها العمل الإرهابي فالسمارة، فاش اكتفى ببيانات بطابع قانوني وفتح تحقيق وهو الشي اللي ما كانتش جبهة البوليساريو كتصورو، إذ أنها كانت معولة على فعل ميداني مغربي وأنها تجر المغرب لاصطدام مباشر وتهدد أمن واستقرار المنطقة باش تحقق مكاسب سياسية.