كود سبور//

أكد الدولي المغربي بلال الخنوس أنه هو وصحابو فالمنتخب المغربي خدامين فگروب واحد باش يحققو شي انجاز فأولمبياد باريس 2024، ويخليو المغاربة كاملين يفتاخرو بهم، وقال ان ليكيب ناسيونال عندها إمكانيات كبيرة وبامكانهم يمشيو بعيد فالمنافسات.

وهضر بلال الخنوس فتصريح قبل ماتش المغرب والأرجنتين فأول جولة من دور مجموعات أولمبياد باريس، وقال فتصريح له: “عندنا فريق بأمكانيات كبيرة وغانلعبو ماتش بماتش ونشوفو فين غانوصلو وبالخدمة غانمشيو بعيد”.

وبخصوص الفرق بين لاعبين المنتخب المغربي اقل من 17 عام، ولاعبين المنتخب الاول، قال بلال الخنوس: “منتخب اقل من 23 او المنتخب الاول دابا هذا الشي ماشي مهم حيث كلشي بحال بحال وحنا خدامين دابا كاملين فگروب واحد وغانعطيو گاع اللي فجهدنا لبلادنا وما كاينش الفرق وباش نديرو شي حاجة كلشي يفتخر بها”.