كود سبور//

أكد الدولي المغربي بلال الخنوس أن لاعبين المنتخب المغربي مركزين فالمعسكر ديالهم فالكوت ديفوار استعدادا لكوب دافريك، وأنهم غيديرو اللي فجهدهم باش يفرحو المغاربة.

وتحدث بلال الخنوس على هامش الحصة التدريبية الأولى للمنتخب المغربي فالكوت ديفوار، وقال: “مركزين باش نبريباريو مزيان هاد لاكومبيتيسيون، وخدمنا اليوم مزيان وغنتدربو مزيان الايام الماجيين باش نكونو واجدين”.

وبخصوص الظروف ديال المنتخب فمدينة سان بيدرو، قال الخنوس: “لوطيل مزيان والتيران حتى هو مزيان وهذا هو احسن تيران تداريب شفت ملي بديت كنلعب فلافريك، وها حنا خدامين وكنديرو داكشي اللي كيقول لينا الكوتش”.

وكمل بلال الخنوس: “كيف ديما الجماهير المغربية غيكونو ورانا وكنشكروهم، وداكشي علاش غنديرو اللي فجهدنا باش نشرفوهم”.