الرئيسية > آش واقع > الخلاص “أون لاين” غادي وكيتزاد فالمغرب.. 9.4 مليون معاملة إلكترونية غير هاد العام – ارقام
04/09/2021 06:00 آش واقع

الخلاص “أون لاين” غادي وكيتزاد فالمغرب.. 9.4 مليون معاملة إلكترونية غير هاد العام – ارقام

الخلاص “أون لاين” غادي وكيتزاد فالمغرب.. 9.4 مليون معاملة إلكترونية غير هاد العام – ارقام

كود كازا//

الخلاص أون ليني كيتزاد نهار على نهار، حتى قبل ما تكون الأزمة الصحية المرتبطة بفيروس كورونا، وكيزيد يتنمى فالمغرب وكياثر بالتالي على بزاف ديال القطعات والمجالات، بفضل سهولة استعمالو ومزاياه الكثيرة.

وحسب مركز النقديات CMI، مواقع التجار والفواتير المنتسبة دارت 9.4 مليون معاملة إلكترونية بواسطة لاكارت بونكير، فيها ليكارت المغربية والأجنبية، بقيمة إجمالية ديال 3.8 مليار درهم، الفصل اللول من 2021.

وكاينة بالتالي زيادة بنسبة 55,5 فالمية فعدد المعاملات، و31,8 فالمية فمبلغها، بالمقارنة مع النص اللول من عام 2020، كيف نشاط المدفوعات بلاكارت المغربية تزاد بنسبة 57,1 فالمية ل9.1 مليون معاملة، و34,4 فالمية ل3.6 مليار درهم.

وزاد نشاط مدفوعات ليكارك ديال برا عبر الأنترنت ب18,6 فالمية ل308 الف معاملة، لكن كاين انخفاض بنسبة 7,3 فالمية فالمبلغ، اللي تحدد ف166.8 مليون درهم.

وهذ المعاملات اغلبها من السوبرمارشيات ب26 فالمية، ثم الحوايج ب11,4 فالمية، والسطاسيونات ب7,1 فالمية، والأثاث والأدوات المنزلية ب5,8 فالمية، والريسطورات ب5,4 فالمية، والصحة ب5,4 فالمية، وتعبئة Waliets ب5 فالمية، والقطاعات الأخرى ب33,9 فالمية.

موضوعات أخرى

25/09/2021 11:00

آش هادشي وصلنا ليه؟.. طبيب أخصائي التخدير فـ صبيطار سانية الرمل فـ تطوان: غادي ننتاحر قدام صحابي نهار الإثنين – تدوينة

25/09/2021 10:00

ها علاش مستبعد امثال اوجار والمنصوري وغيرهم يستوزرو فالحكومة. اخنوش قبل عامين: ايلى ربحت الانتخابات نختارو وزراء من الكفاءات الشابة