وكالات//

كيبان أن الخطط الجديدة لي دارتها النتفليكس باش تزيد من عدد ليزابوني عندها نجحات، لأنها علنات أن الأرباح لي حقاتها في 3 شهور الأخيرة طالعة بزاف مقارنة بالتوقعات.

وقدرات نتفليكس أنها تحقق أرباح وصلات لـ1.398 مليار دولار في 3 شهور الأخيرة في مقابل دخلات 607.4 مليون دولار، في الربع الثالث من العام لي فات كأرباح

وقالت الشركة في التقرير الدوري ديالها أنها قدرات تدخل 2.41 مليون أبوني جديد في الوقت لي كانت كتوقع فيه تدخل مليون واحد في هاد الفترة.

شركة نتفليكس قالت إن الخطة لي دارت ديال الاشتراك الرخيص بـ7 دولار لي فيه الإشهارات، واخة باقي ما بدات ولكن خلات الناس ترجع الثقة ديالها في المنصة.

نيتفليكس كانت خسرات كثر من مليون أبوني في العالم بعدما علنات في أول العام أن الحساب ما يقدرش يدخلو ليه أكثر من 3 يكونو ساكنين في نفس الدار.