الرئيسية > آش واقع > الخطاط ينجا: استثمرنا 463 مليار فالداخلة ومستشار جهوي: الرئيس عطانا عرض ديال مشاريع من الخيال وما كاين غير رضيني نرضيك ودوزلي ندوز ليك
05/03/2024 14:00 آش واقع

الخطاط ينجا: استثمرنا 463 مليار فالداخلة ومستشار جهوي: الرئيس عطانا عرض ديال مشاريع من الخيال وما كاين غير رضيني نرضيك ودوزلي ندوز ليك

الخطاط ينجا: استثمرنا 463 مليار فالداخلة ومستشار جهوي: الرئيس عطانا عرض ديال مشاريع من الخيال وما كاين غير رضيني نرضيك ودوزلي ندوز ليك

الوالي الزاز -كود- العيون////

[email protected]

حاول رئيس جهة الداخلة وادي الذهب، الخطاط ينجا، خلال الدورة العادية لشهر مارس، التخفيف من وطأة الهجوم عليه ورفض أعضاء من الأغلبية المُشكلة للمجلس لطريقة تدبيره للمشهد والترويج للمشاريع اللي فالداخلة.

وقال رئيس جهة الداخلة فجوابو أن الأموال الي تم استثمارها فالجهة مجموعها 463 مليار وضخها فمختلف القطاعات، مشيرا أن هاد الأموال مشات فالمشاريع وموجودة على الأرض.

واضاف: “خلينا الناس تنتاقد ولكن الانتقاد خاصو يكون بناء وما يكونش بدوافع سياسية اللي هدفها هو التشويه”، مردفا أنه يستبشر خيرا بتجاوز النقص الحاصل بفضل تظافر الجهود باش يتم إنجاز كاع المشاريع المبرمجة بين البلدية والجهة والمجلس الإقليمي فالداخلة وأوسرد، مبرزا أن المشاريع غادي يتم إطلاقها فأسرع وقت.

واسترسل الخطاط ينجا: “هافين مشات الفلوس فهاد المشاريع ونتمنى من الناس إلى كانت غادي تنتاقد يكون النقد بشكل إيجابي بدون هدف سياسي رخيص”، داعيا المنتخبين لتقديم المشاريع للجهة والنظر فيها.

وقال الخطاط ينجا: “كاينة بزاف ديال الهدرة والأرقام ها 100 مليار ها 700 مليار. أسيدي هافين مشات فهاد المشاريع”.

وأورد: “الناس اللي كتهدر على الميزانية.. الرئيس راه ما يقدرش يدي الفلوس وياخذ الميزانية ويتصرف فيها.. واللي كيقول هادشي راه كيضحك على عقول الناس”.

ومن جانب آخر، علق المستشار الجهو، محمد بوبكر، على الأحداث ديال الدورة والأرقام اللي علن عليها رئيس الجهة، موضحا: “الجهة من 2015 وهي كدير فالبرامج والمشاريع الخاوية وتا حاجة ما كاينة منها على أرض الواقع.

وأكد المستشار الجهوي: “الرئيس اليوم اعتارف بتصرفه في 463 مليار وعطانا عرض ديال المشاريع الخيال وكنتمنى واحد من هاد المشاريع يكون اليوم تم تدشينو وحاضرة ليه الناس وكتشوفو سواء المتعلقة بالسكن أو الصحة أو غيره، ولكن راه ما كاين والو”.

وقال محمد بوبكر: “ما كاين غير رضيني نرضيك ودوزلي ندوز ليك وهادشي يتنافى مع مصلحة الساكنة وفيه هدر المال العام وحنا ضدو، ونتمنى فالمستقبل تكون المراقبة تبّع هاد الأمور”.

وأورد: “تقرير المجلس الأعلى للحسابات قال بأن جهة الداخلة لم تحقق 7 في المائة من البرنامج التنموي ديال الولاية الماضية، ووزير الداخلة قال فالبرلمان الأسبوع الماضي، بأن كل الجهات توصلوا بالبرامج التنموية إلا الداخلة، ويجي هاد الرئيس ويقو لينا حنا درنا ودرنا، آش دار؟..

موضوعات أخرى

22/04/2024 07:00

قاضي التحقيق بابتدائية سطات هبط موظف سجن عين علي مومن الحبس وها التهم للي توجهات ليه