وكالات//

فركع الخال ديال الأميرة ديال ويلز كيت ميدلتون مرات الأمير ويليام، رمانة كبيرة بخصوص المشاكل لي عرفاتها العائلة ديال بريطانيا مؤخرا.

وقال مللي استاضفوه فواحد البرنامج معروف سميتو Celebrity Big Brother UK بللي الأمور كانت غادية ومزيانة، وكان الأمير هاري محبوب عند كلشي وكلشي كيبغيه، ولكن لي خلاه يخرج من العائلة هي مراتو ميغان ماركل.

وقال الخال ديال الأميرة ولي سميتو غاري غولدسميث أنه مللي دخلات للعائلة الأمور مابقاتش كيف كانت.

وعبر على الحزن ديالو على القرار لي دارو الأمير هاري فين قرر أنه يتخلص من المهام الملكية ديالو.