كود كازا//
قال نيد برايس، المتحدث باسم الخارجية الأمريكية، أنه عندهم قلق بخصوص ضمانات المحاكمة العادلة فقضية الصحفي، عمر الراضي، اللي تحكم ب6 سنين ديال الحبس البارح 19 يوليوز.
وكشف برايس، فتويت ليه، أنهم كيتابعو القضية عن قرب، واضاف: “عبرنا على مخاوفنا للمسؤولين المغاربة”.
We have concerns about fair trial guarantees in the case of journalist Omar Radi, who received a six-year prison sentence on July 19. We are closely following the case and have raised our concerns with Moroccan officials.
— Ned Price (@StateDeptSpox) July 20, 2021
وكان سبق لنيد برايس دار فيديو، كينتقد فيه الحكم على الصحافي سليمان الريسوني، اللي تحكم ب 5 سنين ديال الحبس.
وانتقد برايس، باسم وزارة الخارجية الامريكية، الحكم، وقال أنها “أصيبت بخيبة أمل”، واعتقد أن “العملية القضائية اللي تسببات فهذ الحكم كتعارض مع وعد النظام المغربي الأساسي بإجراء محاكمات عادلة للأفراد المتهمين بارتكاب جرائم، وكتعارض دستور 2011”.
وبسرعة رد المغرب على الفيديو ديال الخرجية الامريكية، بحيث قالت المندوبية الوزارية لحقوق الإنسان فبلاغ أن تصريح المتحدث باسم الخارجية الأمريكية، نيد برايس، كيستند إلى معلومات “منحازة” لصالح الريسوني، ونكر وضع الضحية وحقها فتقديم الشكوى.
