عن الوكالات ///

مرحلة جديدة فالحرب فغزة ويمكن يخليها تتوسع لدول اخرى. الحوثيون اللي حاكمين اليوم اليمن هجمو على باطو لنقل السلع تابع لاسرائيل كانت فالبحر الاحمر. الباطو اسمو “گالاكسي ليدر” وفيها 22 بحار

هاد العدد ارتافع حسب قناة “الميادين” اللي وصلوها ل52 شخصا واكدات ان القوات البحرية اليمنية كتحقق دابا من هويتهم وجنسياتهم.

حتى الاسرائيليين اكدو لخبار٬ غير هما هدرو على “سفينة بملكية إسرائيلية جزئية” وباللي ما فيها حتى موطن اسرائيلي.

الباخرة وفق الاسرائليين٬ تابعة لشركة “Ray Shipping ديال راجل اعمال اسرائيلي رامي أنغر، ولكن كارياها شركة يابانية واكدات باللي كلشي اللي فيها يابانيون

وكان الناطق الرسمي باسم الجيش الاسرائيلي عتابر اختطاف الباخرة “حدثا خطيرا” على المستوى العالمي. وزاد باللي هادي غادية للهند وخرجات من تركيا