كود الرباط//

طلقات كاتبة الدولة المكلفة بالصيد البحري، زكية الدريوش، من تامسنا، لبارح السبت 22 فبراير 2025، النسخة السابعة من مبادرة ’’الحوت بثمن معقول‘‘، وقالت بلي غايتم توفير أزيد من 4 آلاف طن من الأسماك عبر حوالي ألف نقطة بيع على المستوى الوطني.

وأبرزت الدريوش، في تصريح للصحافة، بمناسبة إطلاق هذه النسخة من المبادرة بسوق بيع السمك بالجملة بتامسنا، أن هذه المبادرة التي تندرج في إطار الجهود المبذولة لتزويد الأسواق الوطنية بالكميات الكافية من المنتجات السمكية خلال شهر رمضان الكريم، ستشمل حوالي 40 مدينة عبر التراب الوطني، بما فيها القرى والمناطق البعيدة ومجموعة من الأسواق الممتازة.

هادي النسخة 7، يعني 6 نسخ دازت، واش تم تقييمها ولا غير تيطلقو ف النسخ، واللي رابحين راه باينين هوما مجهزين الصيد البحري في أعالي البحار وغيرهم من كبار المستثمرين ف الصيد.

لحوت وحتى الخضرة ولا اللحم غايبقا ديما طالع، ماشي حيث الوزراء مدايرينش خدمتهم، بل حيث منظومة القوانين فالمغرب فمجال الأسعار وتنظيم الأسواق خصها مراجعة.

ف سوق حرة، ميمكنش نهضرو على الحوت بثمن معقول. حسب مصادر مهنية، فراه كلام الوزيرة الدريوش، ضحك على الذقون. وميمكنش يتطبق.

هاد الحكومة متناقضة مع راسها، مرة خرج نزار بركة وزير التهجيز والماء كيتشكا من الأسعار ومن المضاربين، وعندو الحق حيث أكد على فشل الحكومة لي كينتمي ليها فمحاربة المضاربات.

ومرة اخرى، خرج وزير التجارة والصناعة، رياض مزور، على قناة ميدي 1، ويا حسرة هو عضو فاللجنة الوزارية لتتبع الأسعار استعدادا لرمضان، كيقول حتى هو للمضاربين “اتقوا الله فالمغاربة”.