كود – وكالات//

كاينين أنواع ديال الحوت اللي مابقاوش عندها العينين أو صغاروا ليها بزاف و هادشي وقع ليها بسب التطور اللي خلاها تعيش فبلايص مظلمة بحال الكهوف والمياه الجوفية تحت الأرض.

أشهر مثال هو “حوت الكهف الأعمى” (Mexican tetra) اللي كيعيش في المغارات المظلمة ديال المكسيك،الغريب هو أن هاد الحوت كيتزاد  وهو بالعينين ديالو.

ولكن ملي كيبدا يكبر، الأنسجة ديال العين كتموت بالتدريج، هاد العملية كاتبقى غادية حتى كتغبر العين ديما حيث مابقاتش صالحة لوالو .

هادشي كيتسمى تكيف تطوري ورثوه أجيال مور أجيال باش يقدروا يتأقلموا مع الحياة وسط الظلام  اللي عايشين فيه.وباش تعوض الشوف، طورات هاد الأسماك حواس أخرى مجهدة ،بحال واحد “الخط ديال لالارم” فالجسد ديالها كيحس بأي حركة أو اهتزاز في الما.

وزيد عليها أنها كتعتمد بزاف على الشم والتذوق باش تصيد وتعرف شنو داير بيها ،فالبتالي هاد الحوت الأعمى كيتصرف بطريقة مختلفة تماماً على فصيلتو اللي عايشة في الضو.

الظلام فرض عليه يتعلم طرق جديدة ومبتكرة باش يقلب على ماكلتو، يتواصل مع الحوت الآخر، ويحافظ على حياتو.