كود طنجة ///
تصورو شخص بحال عبد اللطيف الحموشي. كيشغل المدير العام للمديرية العامة للأمن الوطني والمدير العام للمديرية العامة لمراقبة التراب الوطني. هاد المواطن اليوم 17 غشت 2026 وصل لمحطة التران ديال طنجة وخذا التران ديال العشرة ديال الصباح.
دخل، وفق احد الركاب ل”كود”، والناس بقات كتشوف. كان بلا بروتوكول. هاز محفظتو. مع عائلتو. ريحو فلاونج مع المسافرين الفوق. باش وصل وقت تحرك التران، ركب معاهم فعربة مع المواطنين يضيف مصدر “كود”.
الناس عجبهم تواضعو وضرافتو وبساطتو. هادا راه ماشي شخصية عادية ولكن شخصية محبوبة عند لمغاربة. شي باغي يسلم عليه شي باغي يتصور معاه. كيشكروه وفرحانين بيه وهو كيرد بأدب “الله يكبر بيك”.
الحموشي ديما كيتعامل بتواضع وظرافة كبيرة.
