وكالات//

تحكم مؤخرا، واحد الراجل من “نورثمبرلاند” في المملكة المتحدة بالحبس مع وقف التنفيذ بعدما اعترف بأنه شعل العافية في دارو جوج مرات فليلة وحدة، غير باش يشوف رجال البومبية وهوما خدامين.

سميتو جيمس براون، عندو 26 عام، وكان مهووس أكثر برجال الإطفاء من النار نفسها. رغم أنه كان كيحلم يكون رجل إطفاء، إلا أنه بدى يتصل برجال الإطفاء مرارا، و حتى شعل العافية فدارو باش يخوي شغفو فخدمتهم.

وجود شرارات كهربائية

و ف9 شتنبر 2023، تاصل براون بخدمات الطوارئ وقال ليهم بللي شرارات العافية طالعة من العداد الكهربائي، الشي لي تسبب فحريق فالفراش. البومبية جاو وطافوا العافية وقطعوا التيار الكهربائي احتياطياً. ولكن من بعد 90 دقيقة، رجع براون اتصل بهم وقال لهم بللي الحريق رجع شعل فدارو، وهاذ المرة قال بللي السبب هو العداد الكهربائي، الشي اللي خلا البومبية يشكو فالأمر ويعتقدو أن الحريق كان متعمد، حينت هوما قطعو التيار دالعداد.

وتبين فمحاضر المحكمة أن براون كان كيصور رجال الإطفاء ف المرات بجوج للي جاو فيها وكان ظاهر عليه أنه فرحان بزاف بوجودهم.