الرئيسية > تبركيك > الحماق هذا. واش شريب الما حتى هوا ولى إسلاموفوبيا.. شركة “Evian” نصحات الناس باش تشرب لتر ديال الما فالنهار.. وهما ينوضو شي وحدين يسبوها وقالو ان هادشي استفزاز للمسلمين فالنهار اللول من رمضان – تغريدات
14/04/2021 11:00 تبركيك

الحماق هذا. واش شريب الما حتى هوا ولى إسلاموفوبيا.. شركة “Evian” نصحات الناس باش تشرب لتر ديال الما فالنهار.. وهما ينوضو شي وحدين يسبوها وقالو ان هادشي استفزاز للمسلمين فالنهار اللول من رمضان – تغريدات

الحماق هذا. واش شريب الما حتى هوا ولى إسلاموفوبيا.. شركة “Evian” نصحات الناس باش تشرب لتر ديال الما فالنهار.. وهما ينوضو شي وحدين يسبوها وقالو ان هادشي استفزاز للمسلمين فالنهار اللول من رمضان – تغريدات

كود كازا//

شركة “Evian إيفيان” دارت تغريدة عادية فتويتر، نصحات فيها الناس بشرب لتر واحد على الأقل من الما فاليوم، باش يحافظو على صحتهم، حتى كتفاجأ بالكم الهائل ديال السبان والمعيور من طرف شي وحدين، اللي اعتبرو هادشي استفزاز ليهم، خصوصا وأن التويت تزامن مع أول نهار فرمضان ففرنسا.

المتخلفين ماخلاوش للشركة بالسبان، واخا ماكان عندها حتى شي سوء نية، ومولفة على طول العام كتنصح الناس بشرب الما ماشي حتى دخل رمضان، الشي اللي خلاها تعتذر مكرهة فآخر المطاف، وتشرح للناس أنها ماقصداتش تستفزهم.

هاد الناس مفافيين غير بوحدهم وكيحسو بأن اي حاجة تدارت او تقالت فهي ضدهم، دايرين روينة ومنوضين الصداع على والو، وكيتهمو الشركة بالإسلاموفوبيا، واخا عارفين مزيان أنه بامكانهم يشربو لتر ديال الما ولا كتر كَاع حتى من مور المغرب، والبيبليكاسيون مافيها حتى شي تنقيص منهم.

وكاين اللي فهم ان الشركة ماقاصدة والو، خصوصا بعدما اعتذرات باش ماتخسرش شريحة واسعة من الكليان، ولكن تفلسف على توقيت نشر التدوينة، وقال أن “إيفان” كان عليها ترد البال باش ماتجرحش مشاعر الصايمين.

لكن كاين مجموعة من المسلمين بعقلهم، واستنكرو هاد ردود الفعل اللي ماعندها حتى معنى، منهم واحد قال: “الشركة مولفة تدير بحال هاد المنشورات على طول العام، هادشي ماعندو حتى علاقة برمضان، الله يهدينا حيت والله غاديين نيشان للحيط مع ناس بحالكم”.

وواحد رد وقال: “انا مسلم وفرنسي، هاد التويت مافيه حتى حاجة كتصدم وماكيستهدف حد، الدين شخصي، والشركة دير وتقول لي بغات، وكنقول لزملائي الروحيين يدوزو وقت أقل على مواقع التواصل، ويركزو على شي حاجة كتنفع”.

موضوعات أخرى

17/05/2021 20:20

الحكومة و رجوع مغاربة العالم فهاد الصيف.. النائب البرلماني حجيرة: خاصها توضح الإجراءات اللي موجدة لهاد العملية – وثيقة