وكالات//

منعات حكومة طالبان لعبة الشطرنج فافغانستان، حيث كيعتابروها لعبة كتّعتمد على الحظ وكتنتاهك الأخلاق.

المتحدث باسم مديرية الرياضة، أتال ماشواني، قال بأن الشطرنج كيشجع على القمار بالفلوس، وهادشي ممنوع حسب قانون “الأمر بالمعروف والنهي عن المنكر” اللي خرج العام اللي فات.

وصرّح لوكالة “فرانس برس” بأنه حيث القضية دينية، غادي يتم توقيف لعبة الشطرنج فالبلاد حتى يتناقشو فيها، وما قالش شنو هي العقوبات للي ممكن تتطبق على اللي ما التازمش.

والعام اللي فات، طالبان منعات حتى ماتشات الفنون القتالية المختلطة بدعوى أنها عنيفة بزاف، لكن مازال لعبة “الكريكت” كتلعب بشكل كبير، ولكن غير بين الرجال.